Бојанов: Бугарската влада го усвои ребалансот на буџетот

Предлог ребалансот на буџетот на Бугарија е усвоен и денеска ќе биде доставен до Народното собрание, изјави министерот за е-влада, Божидар Бојанов, по владината седница.

Како што пренесува дописникот на МИА од Софија, Бојанов кажа дека на владата се разговарало за конкретни текстови за ребалансот на буџетот, што допрва треба да се достави до Народното собрание.

Тој коментираше и дека напуштањето на седницата на тројца министри од партијата „Има таков народ“ не е скандал за бугарската Влада.

Засега „Има таков народ“ не ги соопшти причините за одлуката да ја напушти денешната владина седница. Медиумите во Софија пренесоа информација дека тројцата министри од партијата на Слави Трифонов, меѓу кои и министерот за надворешни работи, барале зголемување на нивните средства, а особено зголемување на платите во МНР.

Од владејачката партија „Промените продолжуваат“ најавија дека ќе одржат прес-конференција за предложениот ребаланс на буџетот на Бугарија.

Share on Facebook

Tweet

Follow us

Save