БРАВО! Кикбоксерот Илиоски обезбеди најмалку бронза на СП во Португалија!

Најдобриот спортист на град Скопје во изминатава година, Бобан Илиоски, се пласира во полуфиналето на Светското првенство (СП) во кикбокс во Португалија, откако денеска лесно и убедливо го совлада Алберт Угринчиќ (БиХ) со 3-0 во категоријата до 86 килограми во дисциплината лоу-кик.

Ова значи дека актуелниот европски шампион обезбеди најмалку бронзен медал на собирот на најдобрите во светот, а за пласман во големото финале ќе ги одмери силите со Елјан Алкишиев од Азербејџан.

Денеска на СП настап ќе има и Климент Грозданоски, додека Андреа Костовска беше поразена на стартот од Унгарката Фани Лаура Ковач 0-3.

Share on Facebook

Tweet

Follow us

Save