Браво момци: Македонија е европски првак во Кантер Страјк!

Македонската Кантер Страјк е-спорт репрезентација со нов голем успех на меѓународна сцена одново ја израдува нацијата.

На „Кантер Страјк Глобал Офенсив“ нашите кантераши со леснотија стигнаа до златниот медал и ги обединија најпрестижните титули во овој спорт. Претходно, триумфираа во Европскиот Куп на нации, а пред осум месеци станаа светски прваци.

Европското првенство во Кантер Страјк, кое што се играше во Романија,  имаше награден фонд од 25.000 долари, со тоа што освојувачот, односно Македонија доби 10.000 долари. Во големото финале Македонија преку пресврт славеше над Украина со 2-1. Првата мапа „Даст 2“ им припадна на Украинците, но во продолжение на „Мираж“ и „Вертиго“ славеа нашите репрезентативци.

Златните европски момци кои ја израдуваа Македонија се Павле Стојановски, Даниел Глигоров, Александар Кјулукоски, Дамјан Стоилковски, Јане Апостоловски.

Извор: Гол.мк

Share on Facebook

Tweet

Follow us

Save