Бразил и Шпанија регистрираа први случаи на починати од мајмунски сипаници

Први смртни случаи од мајмунски сипаници регистрирани во Бразил и Шпанија.

Министерството за здравство на Шпанија го потврди првиот смртен случај во земјата од мајмунски сипаници. Тоа е првиот фатален исход во Европа, а вториот надвор од територијата на Африка.

Претходно денеска Бразил го пријави првиот смртен случај од мајмунски сипаници надвор од африканскиот континент.

Станува збор за 41-годишен маж, кој, како што соопшти бразилското Министерство за здравство, боледувал и од лимфом и имал ослабен имунолошки систем, соопшти Ројтерс.

Инаку, до денес во Шпанија се пријавени 4.298 случаи, покажуваат податоците на Националната мрежа за епидемиолошки надзор, пренесе „Мундо“.

Share on Facebook

Tweet

Follow us

Save