БРИЛИЈАНТЕН статус на Цуцуловски: Во уставот да се внесе сè живо и мртво, па и диво и сите Марсовци за да се докаже дека Македонците се разликуваат од нив!

Професорот Љубомир Цуцуловски повторно објави брилијантен статус на Фејсбук во кој го коментира внесувањето на Бугарите во Македонскиот Устав.

За тоа колкав е апсурдот на идејата дека со внесување на Бугарите во Уставот за да се разликуваат двата народи (бугарскиот и македонскиот), Цуцуловски зборува преку пример, односно предлага да се запишат сите живи и мртви, за да се разликуваат едни од други.

– МАРСОВЦИ И МАКЕДОНЦИ. Некои умно-умни глави упорно ја форсираат тезата дека ако Бугарите се вметнеле во Уставот ќе се обезбедела јасна дистинкција меѓу Македонците и Бугарите. Односно, тоа би значело дека се различни народи/нации. Инаку, зошто би се спомнувале? Следејќи ја оваа логика, дојдов до следниот „предлог/решение.“ Во Уставот да се набројат (без исклучок!) сите живи и мртви нешта за да можат Македонците да се разликуваат од сите живи и мртви нешта. Од друга страна, можеби во космосот постојат и Марсовци. Затоа, и тие да се опфатат, бидејќи Марсовците би можеле да имаат свои аспирации кон Македонците, како кон неосвестени Марсовци, несвесни за своето марсовско потекло, историја, традиција, јазик. Значи, сè живо и мртво (може и диво!) да се вметне во Уставот, како неопходен услов за влез во ЕУ. Потоа, што биде, нека биде. Само така, почитувани, се гради држава. – напиша Цуцуловски на Фејсбук.

ЛИНК од објавата на професорот

Share on Facebook

Tweet

Follow us

Save