Британија утре ќе добие нов премиер

t

Во Велика Британија утре ќе биде објавен резултатот од гласањето на членовите на Конзервативната партија за нов партиски лидер. Тоа ќе одреди дали министерката за надворешни работи Лиз Трас или поранешниот министер за финансии и актуелен пратеник, Риши Сунак, ќе го замени Борис Џонсон на премиерската функција.

По три месеци кампања, околу 200.000 членови на Конзервативната партија по пошта гласаа за наследник на контроверзниот Џонсон, кој на 7 јули беше принуден да поднесе оставка по серијата скандали во кои беше вмешан.

Според анкетите, фаворит за лидерското место во партијата и за премиерската функција е Трас.

Утре во 12 часот и 30 минути по локално време ќе бидат објавени резултатите од гласањето за нов лидер на Конзервативната партија.

Во вторник британската кралица Елизабета Втора во замокот Балморал во Шкотска ќе го прими и ќе го именнува новиот лидер на ториевците за премиер на Велика Британија.

Претходно Џонсон ќе се обрати од Даунинг стрит 10, а потоа ќе отпатува за Шкотска да ја поднесе оставката до кралицата. Потоа новиот лидер на Конзервативна партија ќе се сретне со кралицата, која ќе побара да состави нова влада. Новиот лидер на ториевците ќе се врати во Лондон, ќе се обрати и ќе ги објави имињата на министрите во новата британска влада.

Првата седница на новата британската влада ќе биде на 7 септември.

За време на владеењето на кралицата Елизабета Втора, кое трае безмалку 70 години, досега се смениле 14 премиери.

ПОВРЗАНИ ВЕСТИ

Истражување: Милиони Британци овој Божиќ ќе мора…

Домаќинствата ќе бидат принудени да ги намалат…

ОН алармираат поради детската сиромаштија во Велика…

Организацијата ја рангираше Британија на 37 место…

Русија „хакирала“ британски политичари и новинари

Москва ги отфрли сличните обвинувања како „неосновани“…

Британските специјални сили тајно оперирале во Украина

Најнова книга тврди дека западните командоси биле…

Гардијан: Нуклеарна централа во Велика Британија „протече“…

Безбедносните прашања во Селафилд доведоа до тензии…