Британската војска се соочува со недостиг од речиси 17 милијарди фунти

Британската војска се соочува со недостиг од речиси 17 милијарди фунти (19,8 милијарди евра) за финансирање на програмата за купување нова воена опрема планирана за периодот до 2033 година, предупреди британскиот национален ревизор во денешниот извештај.

Програмата за купување опрема од 305,5 милијарди фунти (356,2 милијарди евра) 2023-2033 година е „премногу скапа, со очекуваните трошоци да го надминат нејзиниот сегашен буџет за 16,9 милијарди фунти“, се вели во заклучоците од извештајот на Националната ревизорска канцеларија.

Оваа „црна дупка“ може да се објасни со инфлацијата, но првенствено се должи на зголемените трошоци за нуклеарни и поморски програми поради одлуката на Министерството за одбрана да даде приоритет на замена на средствата за нуклеарно одвраќање, рече НСП.

Во своето последно ажурирање на одбранбената стратегија, објавено во март минатата година, конзервативната влада на Риши Сунак рече дека планира да ги зголеми воените трошоци на земјата за пет милијарди фунти во текот на две години.

Share on Facebook

Tweet

Follow us

Save