Брнабиќ: Брисел да престане со лицемерието!

Премиерката на Србија, Ана Брнабиќ, одговарајќи на изјавата на Европската служба за надворешни работи во која ги повикува лидерите на Белград и Приштина да се воздржат од запалива реторика, побара од Брисел „да престане со лицемерието“. Таа оцени дека ЕУ не го направи својот дел во спроведувањето на Бриселскиот договор и формирањето на Заедницата на српските општини.

-Доколку ЕУ го стореше својот дел – го обезбеди спроведувањето на Бриселскиот договор и ги гарантираше основните човекови права на Србите во Косово – работите денес ќе изгледаа многу поинаку. Затоа, ве молам престанете со лицемерието – порача Брнабиќ во објава на Твитер, потсетувајќи дека се наближува 10-годишнината од потпишувањето на Бриселскиот договор.

Брнабиќ изјави дека „175 дена Албин Курти провоцирал вооружен конфликт со Србите“ и дека „во година која ќе остане запаметена како година во која Курти ги лишил истите Срби на Косово и Метохија од нивните најосновни човекови права – со забрана за гласање“.

-Дури и самата ЕУ признава дека не може да го принуди Курти да формира Заедница на српски општини – столбот на Бриселскиот договор – вели таа.

Share on Facebook

Tweet

Follow us

Save