Брнабиќ: Преку 2.000 српски семејства го напуштиле Косово!

Премиерката на Србија, Ана Брнабиќ денеска во Тирана, каде што се одржува самитот на Берлинскиот процес, изјави дека на средбата се разговарало за ситуацијата во Косово и настаните од 24 септември во Бањска и дека дека во Косово не постојат основни услови за живот на Србите и дека нивната позиција не е политичко туку хуманитарно прашање.

На прашањето дали имало притисок врз неа во врска со настаните во Бањска, таа рече дека немало притисок, туку дека се разговарало за ситуацијата во Косово.
Таа додаде дека разговарале и за дијалогот и за тоа што следува, како и за бриселскиот договор и за ЗСО и за минатогодишниот самит на Берлинскиот процес, кога Курти среде Берлин изјави дека за него Бриселскиот договор не постои и посочи дека тогаш немаше никакви реакции на тоа.
Брнабиќ рече дека потсетила на се што се случувало пред 24 септември во Бањска, дека Курти ја растурил мултиетничката полиција на северот на Косово. Таа посочи дека не постојат основни услови за нормален живот на Србите и дека бара за тоа да не се разговара како политичко туку хуманитарно прашање и да се обезбедат основни човекови права за Србите и неалбанското население.
Може ли некој да смета на тоа дека нема да бидат пукани во нив и дека нема да завршат во затвор и дека нема да бидат тепани и малтретирани“, праша Брнабиќева.
Таа рече дека притворите траат во просек по 21 месец, дека тоа повеќе не е политичко, туку хуманитарно прашање и дека од мај 2.000 српски семејства го напуштиле Косово.
Брнабиќ изјави дека вистинското прашање е што треба да направи Европа за да го промени тоа.

Share on Facebook

Tweet

Follow us

Save