Бројот на жртвите во поплавите во Шпанија достигна 223, повеќе од 70 се водат како исчезнати

t

Шпанските власти соопштија дека бројот на жртвите во поплавите на истокот на земјата се искачи на 223, а по 78 исчезнати лица се уште се трага десет дена по поплавите.

Повеќето од жртвите се во Валенсија – 215, седум во Кастиља-Ла Манча и едно лице во Андалузија, објави шпанскиот јавен сервис РТВЕ.

Десет дена по поплавите, потрагата по 78 исчезнати лица е во тек, а 48 пронајдени тела се уште не се идентификувани.

Речиси 8.500 војници ќе останат во Валенсија и нејзините предградија за да помогнат во помошта од поплавите.

Армијата и полицијата со употреба на модерна технологија трагаат по исчезнатите. Потрагата претежно заврши во надземни згради, а продолжува во подземните гаражи и подруми, како и во лагуната кај Валенсија.

Шпанската влада додели 838 милиони евра финансиска помош за граѓаните, а за обнова преку заеми ќе бидат обезбедени 10 милијарди евра.

ПОВРЗАНИ ВЕСТИ

Нов мигрантски бран на Канарските Острови: речиси…

Речиси 2.200 мигранти пристигнале со чамци на…

Тело на новороденче пронајдено во замрзнувач во…

Шпанската цивилна гарда истражува откако телото на…

Шпанија ќе ѝ додели на Украина воена…

Украина ќе добие нов пакет воена помош…

Во Шпанија почна тридневна жалост по железничката…

Во Шпанија денеска почна тридневна жалост по…

УЖАС: Најмалку 46 загинати во судир на…

Најмалку 46 луѓе загинаа во судирот на…