Бројот на загинати израелски војници во Либан се искачи на 38

L
Израелската армија денеска соопшти дека уште еден нејзин војник загинал во борбите во јужен Либан, со што бројот на загинатите израелски војници во операциите против проиранското движење Хезболах од 2 март достигна 38.

„Дваесет и едногодишниот капетан Давид Хазут од Ашкелон, командант на вод во 12. баталјон на бригадата Голани, загина во борба во јужен Либан“, соопшти армијата.

Смртта на офицерот следува два дена по потпишувањето меморандум за разбирање меѓу израелската и либанската влада, чија цел е воспоставување траен мир меѓу двете земји.

Од почетокот на конфликтот загина и еден израелски цивил, вработен со договор во армијата.

Share on Facebook

Tweet

Follow us

Save