Бугарите исплашени: Медиумите одговорно да известуваат, Бугарија не учествуваше во подготовката на експлозијата на камионот на мостот на Крим

Бугарија нема никакво соучесништво во подготовката на експлозијата на мостот на Крим, изјави техничкиот премиер Гулаб Донев, кој ја коментираше информацијата дека камионот што ја предизвика експлозијата на мостот, што ги поврзува Крим и Русија, излегол од Бугарија.

Како што јави дописникот на МИА од Софија, Донев прецизира дека уште во неделата вечерта, веднаш откако се појавиле информациите по медиумите, наредил ДАНС да провери за да се утврди точната маршрута на камионот.

Тој испрати молба до локалните медиуми одговорно да известуваат за темата, бидејќи таа создава ризици за националната безбедност и вклучување на Бугарија во војната во Русија.

Share on Facebook

Tweet

Follow us

Save