Бугарија е подготвена за реакција! Донев го свика Советот за безбедност поради руската мобилизација

Вршителот на должноста премиер на Бугарија, Гулаб Донев, за БНР најави дека ќе го свика Советот за безбедност на Владата за да донесе конкретни одлуки и мерки и дека неговата земја е подготвена за реакција, јави дописникот на МИА од Софија.

Според Донев делумната мобилизација што ја најави претседателот на Русија доведува до ескалација на тензиите и до фактот дека земјите во Европа и оние кои се блиску до конфликтот помеѓу Русија и Украина, да не знаат до кога ќе продолжат воените дејствија и со каков интензитет.

Донев денеска ги осуди потезите на Русија и ги нарече неприфатливи, особено не за една постојана земја членка на Советот за безбедност на ОН.

Бугарскиот министер за надворешни работи, пак, во своето обраќање пред ОН во Њујорк, изјави дека цпецијалната воена операција на Русија во Украина е “нелегална воена агресија”.

Share on Facebook

Tweet

Follow us

Save