Бугарија и Романија веднаш да влезат во Шенген зоната: Шефицата на Европската комисија бара двете земји да се наградат за „добрите практики“

Им благодарам на Бугарија и Романија за добрите практики во областа на азилот и миграцијата, изјави претседателката на ЕК, Урсула фон дер Лајен, во своето годишно обраќање за состојбата на Унијата во Стразбур јавува БГНЕС.

– Двете земји се дел од Шенген пространството. Да ги примиме Бугарија и Романија во Шенген зоната без понатамошно одлагање – инсистираше таа пред европратениците во Стразбур.

Бугарското Министерство за надворешни работи соопшти дека шефицата на бугарската дипломатија Марија Габриел ќе го проследи обраќањето на фон дер Лајен во Стразбур, а потоа ќе се сретне со првите луѓе на Парламентарното Собрание на Советот на Европа, на Советот на Европа и на Европскиот суд за човекови права.

Share on Facebook

Tweet

Follow us

Save