Бугарија откри двајца руски шпиони, делувале против безбедноста на државата

Агенцијата за национална безбедност на Бугарија на руските државјани Владимир Николаевич Горочкин и Татјана Анатолиевна Горочкина им забрани влез и престој на територијата на земјите-членки на Европската унија во период од пет години.

За двајцата има информации дека делуваат против безбедноста на Бугарија. Утврден е периодот во кој двајцата престојувале на територијата на Бугарија, претставувајќи се како бугарски државјани Денис Рашков и Дијана Рашкова, користејќи лични документи со наведениот идентитет.

ДАНС има добиено информации дека Горочкин и Горочкина се нелегални шпиони, учесници во операцијата на Службата за надворешно разузнавање на Руската Федерација, чија цел е да се изврши разузнавачка пенетрација со користење на странски идентитети.

Според податоците, главната цел на присуството на двајцата кај нас била да се добијат потребните бугарски лични документи и веродостојни биографски податоци, со кои се потврдува автентичноста на истите, кои потоа ќе ги искористат за вршење разузнавачки активности надвор од територијата на Бугарија.

Share on Facebook

Tweet

Follow us

Save