Бугарија сега кога е во прашање гас бара геополитиката да не се меша во економијата

Бугарија планира да обезбеди гас за грејната сезона и ќе се обиде да го исполни договорот со „Гаспром“ до крај, изјави за bTV шефот на техничката влада Галаб Донев, коментирајќи ги намерите на Владата да ги обнови преговорите за испорака на гас.

Актуелниот договор е активен до крајот на годината, иако новата влада ќе се обиде да договори трансфер на количествата гас што Бугарија не ги доби годинава, до 2023 година, објасни Донев.

– Министерот за енергетика очекува одговор од Гаспром, работиме да се испочитуваат сите обврски што Гаспром ги има според договорот – рече премиерот.

Донев појасни дека се работи за актуелен договор, и дека нема преговори за други краткорочни или долгорочни преговори. Според него, преговорите ќе ги води редовната влада (парламентарните избори се закажани за 2 октомври), но не појасни дали преговорите ќе се водат со „Гаспром“.

Новиот премиер ги негираше тврдењата дека Бугарија прави геополитички пресврт.

– Ова во никој случај не е геополитички пресврт. Земјата има јасна ориентација, таа е дел од европската алијанса и верен и сигурен НАТО сојузник. Геополитиката не треба да се меша на такво ниво кога се во прашање економските преговори и економските интереси – изјави тој.

Премиерот го коментираше и процесот во арбитражниот суд меѓу Бугарија и „Гаспром“. Тој не се согласува со изјавите дека Бугарија не се бори и дека самата се обвинува за спорот со гасот.

Претходно министерот за енергетика Росен Христов неколку пати предупреди на големата нестабилност што може да и се закани на Бугарија со договорот поради клаузулата „земи или плати“. Тој праша дали земјата треба да го преземе ризикот да оди на суд.

Според премиерот, неговите колеги направиле се што е во нивна моќ пред да стане јасно дека преговорите со „Гаспром“ се неизбежни. Тој изјави дека цената на гасот треба да биде прифатлива и за бизнисот и за населението.

– Потребни се не само слободни количини гас – суровини или гас во цистерните, туку и соодветна инфраструктура, за да можат тој гас да го транспортираат до гасоводниот систем. Ако зборуваме за течен природен гас, потребни се терминали, а потоа тој гас се транспортира преку гасоводот на одредени земји за да се транспортираат овие капацитети до нашиот гасовод – објасни тој.

Донев додаде дека претходната влада на Кирил Петков, која договори испораки на течен природен гас, не обезбеди терминали за негово истовар. Новата влада успеа да договори истовар на најмалку една цистерна од седум, колку што е планирано за октомври.

Share on Facebook

Tweet

Follow us

Save