Бугарска полицајка “уловена” со половина килограм марихуана

25-годишна полицајка во Бугарија е уапсена во саботата попладне откако е пронајдена марихуана во нејзиниот приватен автомобил, објави Нова ТВ.

При спроведување на специјализирана полициска акција во близина на Разлог е запрен автомобил. Возачката при увидот се легитимирала со службена книшка на полицаец од главниот град.

Нејзините колеги не биле воодушевени од визит-картата и го провериле автомобилот, каде нашле пакет сува зелена трева. Нарко тестот на терен реагирал на марихуана, а тежината е речиси половина килограм.

Почна истрага, а известено е и обвинителството во Благоевград.

БНТ во неделата извести дека полицајката е од разлошкото село Бања. И уште поинтересно – нејзиниот татко бил долгогодишен вработен во Министерството за внатрешни работи.

Share on Facebook

Tweet

Follow us

Save