Бугарски новинар “се покаја”: Не требаше да бараме Бугарите да влезат во македонскиот Устав

Не ни беше најефективен потег барањето да се впишат Бугарите во Уставот на Македонија, вели новинарот Горан Благоев, за бугарската bTV. Според него ова ќе значи одвојување на Бугарите од Македонците, како посебни народи, што е на штета на идеологијата на Бугарија.

-Не беше најефективниот потег да се вклучат Бугарите во уставот, бидејќи автоматски и служи на идеологијата на Коминтерната дека Бугарите и Македонците се различни. И кога Македонија ќе ги впише Бугарите во својот Устав, ќе почне да инсистира на македонско малцинство во Бугарија. Ова ќе биде наше најмало достигнување, што Бугарите ќе бидат вклучени во Уставот на Македонија  – нагласи тој.

Според него Бугарија треба да се фокусира на бројот на лица во Македонија кои се идентификуваат како Бугари.

-Треба да видиме колку Бугари има во Македонија кои се декларираат како такви. Ако има 3.500 наспроти позадината на над 120.000 луѓе со бугарско државјанство и бугарски пасоши, тогаш математиката не излегува – рече Благоев кој беше кандидат за претседател на Национална унија на десницата – КОД.

Во Бугарија има лица кои се идентификуваат како Македонци, но според Благоев се работи за потомци на Бугари, кои, како што рече, биле насила македонизирани.

Според него двете држави треба да си ги подобрат односите преку економската соработка и со тоа што историските прашања ќе ги решаваат државниците, а не историчарите

Share on Facebook

Tweet

Follow us

Save