Бурно во црногорскиот парламент: Опозицијата ја блокира седницата за буџет

Вонредната седница на Парламентот на Црна Гора, на чиј дневен ред, меѓу другото, е и Предлог-законот за буџетот за оваа година, не почна бидејќи опозицијата го блокираше парламентот.
Опозицијата порача дека нема да се откаже од блокадата, бидејќи е извршен уставен удар, а претседателот на Собранието Андрија Мандиќ рече дека опозицијата врши опструкција.

Мандиќ упати предупредување до пратениците од опозицијата и посочи дека денешната работа на парламентот е завршена и тие навремено ќе бидат известени за продолжението.
Мандиќ рече дека граѓаните се сведоци во какви услови работи парламентот.
Слободата значи да се ограничиш и да не ги загрозуваш правата на другите, рече Мандиќ и посочи дека малцинството не може да ги запре демократските процеси.
Опозицијата, пак, порача дека „мнозинството не може да ја урне државата“.

Share on Facebook

Tweet

Follow us

Save