Буџови: На Косово доминира вахабизмот, се загрозува националниот идентитет!

Историчарот Јусуф Буџови изјави дека политичарите во Косово го користат верскиот аспект за гласови, додавајќи дека во овој случај е загрозен и националниот идентитет, пренесува Коха.

Според Буџови, Исламската заедница на Косово уште од војната се потпира на вахабистичката идеологија, која, според него, е штетна и опасна за нацијата.

Свештениците зборуваат како политичари, а политичарите како свештеници. Никој не се осмелува да отвори муабет за секуларната држава… Голем дел од нашите политичари се погрижија за клиентела да го имаат свештенството. Го имаме и процесот на исламот. Доминира сектата Ханефи. Потоа дојде вахабизмот по војната. Денес, Исламската заедница на Косово се потпира на вахабизмот, со овие тврдења за изградба на што повеќе џамии, дојдовме до ситуација во Косово да се изградени над 800 џамии. Имаме феномен каде националниот идентитет се претвора во верски, каде Албанците се претвораат во верски заедници. Ако продолжи овој процес, тогаш можеме да кажеме дека барањата на Чубриловиќ се исполнети“, изјави тој.

Според Буџов, институциите на Косово не ја почитуваат секуларната држава.

„Секуларната држава не е почитувана. Со верскиот обред се молеа премиерот и претседателот. Во институционален погреб не смеат така… Колку изјави имаш дадено дека 95 проценти се муслимани на Косово? Како генерализираш така? Овде никогаш во сите околности не постоел исламот на вахабизмот, тоа бил европски, традиционален ислам, каде што луѓето се занимавале со сопствена работа. Политичкиот ислам ја оштетува националната свест, националната култура треба да се замени со религиозна култура. Во Косово езанот на арапски се вика со 130 децибели, наместо со 30 децибели. Со врескање добивате впечаток на Казахстанец“, изјавил понатаму.

Историчарот Буџови нагласи дека институциите на Косово мора да го одобрат законот за верска заедница.

„Косова да го одобри законот за верска заедница. Според мене, тоа не е одобрено бидејќи одредени политички групи кои патуваат со религија, накратко со политички ислам, гледаат дека ветувањата што им ги дале се прекршени“.

Share on Facebook

Tweet

Follow us

Save