Вака се прави: Српската Влада донесе нова уредба за контрола на цените на основните прехранбени производи и горивата

Владата на Република Србија на денешната седница донесе изменета Уредба за ограничување на цената на основните прехранбени производи со цел натамошна заштита на пазарот, односно спречување на деформации во формирањето на цените на овие стоки, кои се од исклучително значење за снабдување на потрошувачите, особено посиромашните социјални категории.

Владата донесе изменета Уредба за ограничување на цената на храната – кристализиран шеќер во пакување од еден килограм, брашно тип Т-400 мазно, во пакување до пет килограми, вклучително пет килограми, брашно тип Т-500 во пакување до пет килограми, вклучително и пет килограми, сончогледово масло за јадење во пакување од еден литар, свинско – бут.

Регулативата ќе се применува за период од 60 дена од денот на влегувањето во сила.

Владата на Србија ја усвои изменетата Уредба за ограничување на цената на нафтените деривати со која просечната големопродажна цена на дериватите EURO DIESEL и EURO PREMIUM BMB 95 на територијата на Република Србија се зголемува за по седум динари.
Оваа уредба ќе важи од стапувањето во сила, на 29 април, до 31 мај годинава, се наведува во соопштението на Владата.

Share on Facebook

Tweet

Follow us

Save