INFOMAX.MK

И повторно тешко, многу тешко зимо за ФК Вардар, за играчите, но и за навивачите на клубот. Иако имаше најави за стабилизирање на клубот и преземање на нови газди, сепак од тоа ниту ден денес нема ништо конкретно, освен ветување дека работата ќе се среди набрзо и дека клубот ќе се врати конечно на нормално функционирање.

И како навивачите на Вардар и фудбалерите да веруваат во овие зборови од газда Слободан , после сите лаги и измами кои им ги сервираа во минатото со нови газди од Катар од Турција и да не ги редиме понатаму, оти глава почнува да боли.. 10-ти јануари и наводната официјализација или што и да било планирано со новите сопственици не се случи, еве помина и осмиот ден од таа информација, а останува се исто, само приказни и ветување со зборовите почекајте… Ајде навивачите на клубот ќе почекаат, но секако дека фудбалерите еден по еден ќе почнуваат да си бараат чаре.

,,Вардар Фанс” јавно и отворено го прашува Слободан Крстевски сопственикот на ФК Вардар, до каде е работата околу преземањето на нашиот клуб и дали всушност има сериозни намери да се преземе клубот од други сопственици. Бараме отворено да соопшти до каде е работата и дали навистина има сериозни преговори. Доста ние е веќе на сите од чекање и нестрпливи денови.

,,Вардар Фанс” , секогаш тука за доброто на нашата прва љубов, ФК ВАРДАР!