Вашингтон објасни зошто нема да забранат летови над украинското небо

САД немаат намера да воспостават зона на забранети летови над Украина, бидејќи постои опасност од избивање на војна со Русија, изјави портпаролката на Белата куќа Џен Псаки.

„Воспоставувањето зона на забранети летови, во суштина, ќе бара од американските војници да соборат руски авиони, што би предизвикало директен вооружен конфликт со Русија. И токму тоа сакаме да го избегнеме“, рече Псаки.

Таа нагласи дека САД не размислуваат за чекори во контекст на Украина кои би ги довеле во директен конфликт со Русија.
Псаки истакна дека САД ќе продолжат да обезбедуваат воена помош за Украина, „која само се зголеми во последните денови“.

Таа рече и дека во моментов нема можност за планирање нови контакти со Москва на ниво на државни лидери, додека руските сили се на територијата на Украина.
Претходно, претседателот на Украина, Владимир Зеленски, апелираше до Западот да го затвори небото над Украина во светло на руската воена операција.

Share on Facebook

Tweet

Follow us

Save