Вајдел прогласи победа на покраинските избори: „АфД е новата народна партија, Мерц да поднесе оставка“

Копретседателката на Алтернатива за Германија (АфД), Алис Вајдел, прогласи политичка победа на нејзината партија по изборите во Берлин и Мекленбург-Западна Померанија и побара германскиот канцелар Фридрих Мерц да поднесе оставка, пренесува Ројтерс.

„АфД е јасно новата народна партија во Германија. Ја надминавме ЦДУ и народот сака политички промени“, изјави Вајдел.

Таа вели дека ЦДУ со Мерц не може да продолжи по досегашниот начин на владеење и директно побара негова оставка.

„Фридрих Мерц мора да ги извлече последиците. Тој мора да го направи тоа за својата партија и за Германија“, изјави Вајдел.

На изборите во Мекленбург-Западна Померанија, АфД според првите проекции освои околу 37,7 отсто од гласовите, пред владејачката СПД со околу 35,5 отсто. ЦДУ на Мерц доживеа голем пад и се движи околу 5,2 отсто, што е нејзин најслаб резултат во оваа сојузна покраина.

Share on Facebook

Tweet

Follow us

Save