Велика Британија прогласи вонредна состојба!

Британската национална метеоролошка служба денеска прогласи вонредна состојба и издаде предупредување за екстремни горештини за делови во земјата во понеделник и во вторник. Се тврди дека температурите може да бидат рекордни.

„Вонредни, можеби рекордни, температури се веројатни во понеделник, а потоа и во вторник“, соопшти службата на својот сајт.

Во Велика Британија „веројатно и ноќите ќе бидат исклучително топли, особено во градските области“, што се чини во голема мера „ќе влијае врз луѓето и врз инфраструктурата“.

Највисоката евидентирана температура во Велика Британија изнесува 38,7 степени Целзиусови и регистрирана е на 25 јули 2019 година во Ботаничката градина на универзитетот Кембриџ.

Претходно оваа недела, британската национална метеоролошка служба и Агенцијата за здравствена безбедност на Велика Британија издадоа предупредување за високи температури од трето ниво за југоисточниот и за источниот дел на земјата и за Лондон, како и предупредување од прво ниво за северниот дел.

Извор: МИА

Share on Facebook

Tweet

Follow us

Save