INFOMAX.MK

А2 Телевизија“ започнува ново поглавје – со иновативност, свежина и поголема поврзаност со публиката. Зад проектот стои сопственикот на поранешната „А1 Телевизија“, Велија Рамковски.

Со освежен визуелен идентитет и силен фокус на домашната продукција, А2 внесува нова енергија во медиумската сцена и интернет просторот во Македонија.

„Под мотото ‘А2 – заедно во ново светло’, не само што донесуваме модерна естетика и динамична содржина, туку ја градиме и новата платформа за дијалог, култура и вистинска информативна вредност. Вашите приказни, вашите ставови, вашата реалност – сега добиваат појасен одраз преку екранот на А2. Во новото светло, заедно со нас е и визионерот Велија Рамковски – пионер на независното новинарство и човекот кој стои зад најгледаните и најуспешни емисии и медиумски проекти во земјава“, се наведува во соопштението до медиумите.

Според официјалните информации, телевизијата ќе може да се следи исклучиво преку нејзините официјални профили на Facebook и Instagram.