Вереницата на Роналдо со шокантно тврдење: Ни ги тепаат децата во Саудиска Арабија

Кристијано Роналдо и неговото семејство неодамна се преселија во Саудиска Арабија, а партнерката на фудбалерот, Георгина Родригез, во интервју за шпанскиот „Телемундо“ открила нови детали и се пожалила дека нивните деца искусиле физичко насилство на училиште.

„Има моменти на училиште кога децата ги удираат, а тие не се бранат“, рекла Георгина и потоа ја опишала ситуацијата.

„Пред некој ден ми дојде едно дете дома и почна да плаче, прашав што се случило и добив одговор: „Ме удри дете“. Му реков: „Зарем не знаеш да се браниш?“, изјавила таа.

Георгина и Роналдо живеат по нови правила веќе еден месец, но манекенката неодамна го прекршила кодексот на облекување на вечера со својот вереник, појавувајќи се во кратко здолниште, поради што ѝ се заканува парична казна.

Имено, шеријатот владее во Саудиска Арабија и жените се обврзани да го покриваат целото тело. Кодексот на облекување наложува „скромност и пристојност“, затоа не смее да се носи тесна, но и проѕирна облека.

Share on Facebook

Tweet

Follow us

Save