Веќе не сме земја во изолација туку фактор на стабилност, вели Спасовски

Ние веќе не сме земја во меѓународна изолација, имаме поддршка за опоравување на општеството од многу страни – станавме 30-та членка на НАТО, имаме стратешко партнерство со САД и почнавме преговори со ЕУ. Со овие партнерства и храбри државнички одлуки го заштитивме националниот идентитет, а со функционална политика на дијалог и разбирање Македонија стана фактор на стабилност на Западен Балкан, истакна во неговото интервју за српска “Политика” министерот за внатрешни работи, Оливер Спасовски.

-Убеден сум дека ќе ја гарантираме безбедноста и стабилноста на територијалниот интегритет на државата, на регионално ниво, само со заокружување на евроатлантските интеграции на регионот и заокружување на демократската трансформација, вели Спасовски кој смета дека Македонија и Србија имаат одлични односи.

-Нашата соработка се карактеризира со одлични добрососедски односи и заедничка цел Западен Балкан да стане регион на постојан мир, целосно интегриран во ЕУ. Веќе немаме отворени прашања, градиме меѓусебна доверба, соработуваме како најблиски соседи и вистински искрени пријатели. Одлична е и меѓусебната соработка на полициско ниво, преку размена на оперативни знаења и заеднички активности, како и сузбивање на прекуграничниот криминал. Изминатиот период беше одбележан со интензивна соработка преку иницијативата „Отворен Балкан“, како и преку Берлинскиот процес, но предизвиците од економската и енергетската криза ги надминавме и билатерално. Потпишавме заеднички договори во областа на енергетиката и инфраструктурата, што отвора нови перспективи. Од економски аспект, Србија е четврти трговски партнер на РМ. Секако, сето тоа може да се подобри за да има уште попозитивни ефекти за двете земји, вели Спасовски.

Share on Facebook

Tweet

Follow us

Save