(Видео) Арсовска ги подбра советниците од СДСМ и ДПМНЕ: Направивте коалиција против граѓаните кои ве плаќаат по 500 евра месечно!

Многу ми е жал кога ќе видам ваква дволичност од оваа седница, само вие имате право да доставувате дополнителни точки на дневен ред кога тоа на вас ви одговара, другите не смеат.

За некој кој е мнозинство и го претседава овој совет со месеци не може да ги изгласа програмите со кои функционира градот, сметам дека е несоодветно да се дрзнете да ги учите луѓето кој какво овластување има, истакна на денешната седница на Советот на Град Скопје градоначалничката Данела Арсовска откако Советот не ја стави на дневен ред точката за набавка на нови еко-автобуси за ЈСП.

-Сите овие месеци работите спротивно од интересот на граѓаните, вие ли само можете да свикувате вонредни седници, само вие да креирате преседани и тогаш се дозволени, а кога не се гласаат програмите и треба да се носат одлуки тука не може.

Целосно сте нефункционални, по 500 евра паушали земате, не ги заслужувате парите кои ги земате од граѓаните. Претседател на ваш огранок испрати допис дека треба да се одвојат средства за автобуси за ЈСП.

Кажете ми во која општина претседател се дрзнал да не стави точка на дневен ред оти веќе трипати била ставена. Не го злоупотребувајте процедуралното, ова денеска е терање гола политика.

Граѓаните гледаат и судат. Сте направиле една коалиција против граѓаните, да работевте за граѓаните ќе ги изгласавте одлуките и ќе можевте да се пофалите дека сте направиле нешто добро на нив, истакна Арсовска.

ЛИНК од видеото

Share on Facebook

Tweet

Follow us

Save