INFOMAX.MK

Завршена изградбата на улицата „Македонско косовска бригада“ крак 18, во општината Шуто Оризари, поставена како приоритет за изведба од жителите во општината затоа што беше раскопана, неасфалтирана и во видно лоша состојба. Жителите во општината се соочуваат со многубројни предизвици, а на нивно барање во приоритети покрај изградбата на крак 18, се и краците 38 и 40, објави градоначалничката на Град Скопје, Данела Арсовска.

– Со реализацијата на овој проект, граѓаните на Шуто Оризари добиваат нова патна инфраструктура и решение за долгодишните проблеми. Главната цел на градските градежни активности е во Скопје повеќе да нема заборавени населби, туку градот да се развива рамномерно, со реализација на проекти и во урбаниот и во руралниот дел.

Градежните работи на терен ги изведе Јавното претпријатие „Улици и патишта“, при што завршена е коловозна површина од 1520 квадратни метри, со цел движењето на граѓаните на тој потег да биде безбедно, а едновремено јавното претпријатие работи и на изведба на партерно уредување на спортската сала во Шуто Оризари, посочи Арсовска.

ЛИНК ОД ВИДЕОТО