(Видео) Борисов: Нема шанси да коалицирам со ДПС, Јанев и Преродба

За тоа кои луѓе ќе бидат избрани за министри и премиер, Борисов нагласи дека доколку тоа се каже сите преговори ќе бидат затворени уште пред да почнат

Изборите покажаа дека народот никому не му даде независно право да владее, народот рече, сè додека сте во војна, најдете начин, изјави денеска на прес-конференција лидерот на ГЕРБ, Бојко Борисов, јави БГНЕС.

Ако погледнеме наназад, ќе се сопнеме во комплицирана ситуација. Ако одиме на следните избори, ништо поинаку нема да се случи. Многу илузии исчезнаа. Речиси 80 отсто од луѓето рекоа дека сакаат влада, посочи Борисов. Им предлагам на другите партии да се повлечат, додаде тој.

„И моето предвремено пензионирање се покажа како погрешно. Ова го покажуваат резултатите од гласањето. Прво и основно е кој е на страната на Украина, а кој не, ние го кажавме нашиот став. Народот јасно покажа – 67% се за проевропските партии. Луѓето јасно укажаа дека речиси три четвртини од населението е за продолжување на овој пат“, рече Борисов.

Што се однесува до втората тема – инфлација, финансии, економија, енергија, цени, страшно е тоа што ни го остави во аманет владата на Кирил Петков, нагласи лидерот на ГЕРБ.

„Сè може да се реши со редовна влада. Влегувајќи во еврозоната изјавуваме дека влегуваме таму, ова е второто нешто што им го нудам на политичките лидери, пазарите веднаш ќе се смират“, рече Борисов.

Тој изјави дека не гледа опција во која ГЕРБ би коалицирале со ДПС, Јанев и Преродба.

„Победата на ГЕРБ е морална, триумф над опскурантизмот. Ќе понудиме контакт-група и преговарачки тимови. Ќе ги поканиме Плевнелиев и Паси на темата за Путин. Ќе ја поддржиме социјалната сфера, нема да се гради, Продолжуваме со промените нека си ја стави својата програма“, додаде Борисов.

За тоа кои луѓе ќе бидат избрани за министри и премиер, Борисов нагласи дека доколку тоа се каже, сите преговори ќе бидат затворени уште пред да почнат.

„И министрите и премиерот ќе одлучат откако ќе завршат овие преговори“,рече тој.

На прашањето на БГНЕС каков, според него, треба да биде профилот на идниот премиер, Борисов одговори: „висок, виток, паметен, згоден, зборлив“.

Според резултатите од 99,91 отсто обработени гласови од страна на Централната изборна комисија (ЦИК) во Бугарија, седум партии ќе влезат во 48. состав на бугарското Народно собрание.

Прво место е коалицијата ГЕРБ-СДС на поранешниот премиер Бојко Борисов со 25,34 отсто освоени гласови на изборите. Втора политичка сила е Продолжуваме со промените на Кирил Петков со 20,2 отсто. ДПС има 13,75 отсто.

Четврта партија, според обработените гласовите е популистичката Преродба со 10,17 отсто, а зад неа е Бугарската социјалистичка партија (БСП) со 9,3 отсто.

Како шеста на овие избори, заврши Демократска Бугарија со 7,45 отсто.

Новата партија на политичката сцена, Бугарски подем на поранешниот технички премиер Стефан Јанев, пак, со освоени 4,63 отсто е последната партија која ќе влезе во парламентот со свои пратеници.

Под цензусот од 4 отсто, кој е потребен за освојување пратенички мандати, и на 99,84 обработени гласови, останува Има таков народ на Слави Трифонов која освои 3,83 отсто.

Катастрофален резултат на овие избори има и ВМРО-БНД на Красимир Каракачанов со освоени само 0,81 отсто од гласовите.

Share on Facebook

Tweet

Follow us

Save