INFOMAX.MK

Носачот на авиони на британската кралска морнарица „ХМС Принц од Велс“ се врати во пристаништето откако се расипа кај островот Вајт.

Британската морнарица се посрамоти откако нејзиниот воен брод вреден 3 милијарди фунти застана поради дефект само неколку часа во првото патување, кога му откажа десниот пропелер.

Бродот ја напушти поморската база Портсмут минатата сабота на пат кон САД на дипломатски посети и вежби, вклучително и пробни летови со авиони Ф-35Б.

Набргу откако „Принцот од Велс“, водечки брод на НАТО, исплови минатата сабота, беше откриен механичкиот дефект на десната табла.

Поаѓањето на бродот тежок 65.000 тони веќе беше одложено претходниот ден поради технички проблем, но сепак беше донесена одлука да заплови.

Носачот неодамна полека заплови во заливот Стоукс во Хемпшир, патувајќи со брзина од четири јазли придружен со реморкер за влечење за да се врати во помирни води.

Извори од морнарицата, кои подоцна го прегледале бродот тежок 65.000 тони, веруваат дека осовината на пропелерот можеби е оштетено поради недостаток на подмачкување, објави „Дејли мејл“.

Морнарицата соопшти дека сестринскиот брод „ХМС Квин Елизабета“, кој е предводник на флотата, ќе отплови следната недела за да ги преземе должностите во САД.