(Видео) Бурна вечер на Косово: Медиумите пренесуваат за претстрелки помеѓу Србите и косовската полиција

Србите што протестираат поради апсењето на поранешниот полицаец Дејан Пантиќ сѐ уште се на барикадите. Северот на Косово е блокиран и од косовската полиција, а преку премините Брњак и Јариње не може да се помине ниту пеш.

Претседателот на Србија, Александар Вучиќ, ги повика Србите на северот на Косово и Метохија да бидат сталожени и мирни и да не подлегнуваат на провокации. Основните и средните училишта во северниот дел денеска нема да работат.

Албанските медиуми јавуваат за вооружени судири меѓу полицијата и „криминалните групи“ (Срби) околу Звечани.

Велат дека од 02:10 часот има континуирано пукање.

Репортерот на ТВ Прва утрово јавува дека Србите сѐ уште се на барикадите во Рударе, а ситуацијата е мирна.

Според него, во Рударе синоќа имало голем број граѓани, сега ги има малку помалку, но тие сѐ уште се таму, под шатори и во автомобили паркирани покрај коловозот.

Share on Facebook

Tweet

Follow us

Save