(Видео) „Голема загуба за Русија“: Вооружените сили на Украина уништија штаб и складиште на руска опрема

Во регионот Харков, артилеријата на вооружените сили на Украина, со помош на воздушно извидување на Националната гарда на Украина, го уништи штабот на руските напаѓачи, складиште за муниција, два камиони со муниција, најмалку три оклопни борбени возила и автомобил.

Ова на својот YouTube канал го објави Источното оперативно-територијално здружение на НСУ.

Видеото е снимено од оператори на беспилотни летала, кои ги пронашле целите, ги пренеле нивните координати на топџиите и го коригирале огнот на нив. На почетокот, локацијата на целите е прикажана во дворот на некоја голема административна зграда. Потоа се прикажуваат гранатирање, силен пожар со детонации и неговите последици.

Share on Facebook

Tweet

Follow us

Save