(Видео) Во стан во Скопје запленети 11 килограми марихуана, кокаин и други видови дрога

При претрес на стан во Скопје пронајдени над 11 килограми марихуана, 400 грама кокаин, поголема количина ЛСД и други видови дрога.

Како што информираа од МВР, на 02/03.07.2026 од страна на Единицата за недозволена трговија при СВР Скопје, извршен бил претрес во стан кој го користат М.Б и Н.Ј, кои претходно биле лишени од слобода од страна на полициски службеници од Единицата за интервентна полиција при СВР Скопје.

При претресот извршен по добиена судска наредба, пронајдени и одземени биле 11,5 килограми марихуана, 400 грама кокаин, како и амфетамин, екстази, ЛСД, масло-хашиш смола, халуциногени печурки.

„Лицата се задржани за понатамошна постапка, а од страна на ЕНТ до надлежното ОЈО е поднесена кривична пријава во итна постапка“, посочија од МВР.

Share on Facebook

Tweet

Follow us

Save