(Видео) Големото невреме однесе цел камп во Царево: Со јаже Бугарите вадеа автомобили од Црното Море

Автомобилите и камперите во бугарското туристичко место Царево завршиле во морето по силното невреме што го зафати и брегот на Црното Море. На социјалните мрежи објавени се снимки како луѓето се обидуваат да ги спасат автомобилите однесени во разбранетото море.

Властите прогласија вонредна состојба во Царево откако реката Велека се излеа од коритата и побараа граѓаните да се преселат на повисоките катови од хотелот.

Во летувалиштето Синеморец прекинато е снабдувањето со електрична енергија, а помалото село Кости е евакуирано.

Бугарскиот премиер Николај Денков изјави дека две лица загинале, а три се водат за исчезнати во поплавите во јужниот дел од црноморското крајбрежје Излеаните реки оштетија патишта и мостови и предизвикаа прекини на електричната енергија, а бугарските власти ги предупредија жителите на областа да не пијат вода од чешмите.

Силните ветрови создадоа бранови високи два метри кои ги преплавија туристичките места. Обилните дождови поплавија улици и куќи.

📽️ Watch this jaw-dropping video of cars submerged in Bulgaria's Black Sea region!

😮 #TorrentialRains #Bulgaria #Turkiye #Başakşehir #yağmur #şimşek #sondakika #flooding #Turkey #extreme #weather #climate #viral #flashfloods #rains #emergency #breaking #Floods pic.twitter.com/IOpJR9ZZE0

— Prem Prakash Rai 🇮🇳 (@iampremrai) September 6, 2023

Share on Facebook

Tweet

Follow us

Save