(Видео) Голем терористички напад во Европа: Пукање во трговски центар во Копенхаген, неколкумина мртви

Неколку лица беа убиени денеска во престрелка во трговски центар во Копенхаген, соопшти полицијата, при што уапсила 22-годишен Данец и не ја исклучува можноста за тероризам.

Полицијата во Копенхаген претходно објави дека пристигнала во трговскиот центар Филдс по дојава за пукање. Таа ги советувала оние што се нашле внатре да се скријат и да чекаат помош од полицијата.

Засега се чини дека нема повеќе напаѓачи во трговскиот центар, соопшти полицијата.

Главната болница во Копенхаген, Ригшоспиталитет, примила на лекување „мала група пациенти“, објави нејзиниот портпарол. Тој додаде дека болницата повикала дополнителен персонал, вклучувајќи хирурзи и медицински сестри.

„Има неколку повредени и знаеме дека неколку луѓе загинале“, изјави главниот полициски инспектор Сорен Томасен, додавајќи дека полицијата почнала масовна потера на островот Зеланд за да утврди дали има уште напаѓачи.

Share on Facebook

Tweet

Follow us

Save