(Видео) ГО ДОНЕСОА ВО БОЛНИЦА СО ЛИСИЦИ НА РАЦЕТЕ: Ранетиот напаѓач од Банско има прострелни рани и скршеница

Директорката на болницата во Јужна Митровица соопшти дека еден ранет напаѓач на косовската полиција од вчерашниот инцидент во Бањско по укажаната лекарска помош е префрлен во Универзитетскиот клинички центар во Приштина, пренесува Косово Онлајн. Се работи за еден од припадниците на вооружена група.

Како што додаде таа, ранетиот има прострелни рани и скршеница.

– Тој дојде овде со стабилни параметри и со стабилни параметри беше однесен во Приштина, каде очекуваме дека ништо нема да му го загрози животот. Имаме свои екипи, но имаме и засилувања од Универзитетскиот клинички центар на Косово. Лицето имало прострелни рани, влезни и излезни рани, а од другата страна имало скршеница – рече таа.

Според косовските власти, се работи за околу 30 маскирани и униформирани лица, кои поседувале тешко оружје и нападнале во Бањско. По реакцијата на косовските специјалци, најмалку тројца од напаѓачите се убиени, а неколкумина се уапсени.

Share on Facebook

Tweet

Follow us

Save