(Видео) ДЕВОЈКА ОД ФИНСКА СВИРИ МАКЕДОНСКА ЕТНО МУЗИКА: Лемпи и Влатко шират етно звуци на пазарите низ Источна Македонија!

Звуците на македонската етно музика се шират низ пазарите во Источна Македонија. За тоа се заслужни Влатко Ристовски од Македонска Каменица и милозвучниот глас на Лемпи која доаѓа од Финска. Етно составот е формиран на иницијатива на Влатко, а во него одлично се вклопува младата девојка од Финска.

Имаат поддршка за нивниот музички проект од голем број граѓани не само од Македонска Каменица, туку и пошироко. Деновиве како што вели Влатко обезбедиле автомобил од жител на Македонска Каменица, Зоки Гинг кој живее и работи во САД, а наскоро ќе добијат и музички инструмент од Далибор Стаменковски кој исто така живее и работи во странство, пренесува порталот Делчево365.

Влатко и Лемпи свесни се за фактот дека со нивната уникатна интерпретација на македонската етно музика будат силен интерес кај публиката. Тие веќе планираат улични музички настапи во Скопје и посети на други градови во Македонија.

https://www.facebook.com/100063489311829/videos/768445708046904

Share on Facebook

Tweet

Follow us

Save