(Видео) Дел од дрон сo експлозив најден меѓу лежалки на плажа во Романија: Го нашле туристи

Дел од дрон бил најден утрово на плажа во романското црноморско одморалиште „Олимп“, на околу 38 километри јужно од Констанца, пренесоа романските медиуми.

Според извори на телевизијата „Антена“, остатоците содржеле експлозивно полнење.

Делот бил најден меѓу лежалките на плажата, посочува телевизијата. Пристапот за туристите до зоната е ограничен. Неколку луѓе поднеле пријава.

Остатоци од дрон синоќа биле најдени и на бранобранот на крајбрежното шеталиште во Констанца, во близина на легендарното „Казино“ во црноморскиот град.

Шести ден по ред остатоци од дронови ги држат под тревога населението и властите во Романија, потсетува „Антена“. Изминатите денови романските власти во неколку наврати испраќаа борбени авиони и хеликоптери за да ги следат нападите со дронови во близина на границата со Украина.

Share on Facebook

Tweet

Follow us

Save