(Видео) Директорката на Комуналец спроведена со лисици: Во тек е полициска акција во Гостивар, уапсени директорот и менаџментот во ЈП „Комуналец“

Според информации до кои дојдовме, во тек е координирана акција на надлежните институции во врска со случајот со загадувањето на водата за пиење во Гостивар.

Како што дознаваме, приведени се по итна постапка на три лица од ЈП „Комуналец“ – Гостивар: вршителот на должност директорот Аратана Асани, раководителот на Одделението за водовод Вадедин Дервиши и техничкиот директор Леон Нуредини.

Според истите информации, активностите се спроведуваат во координација со Основното јавно обвинителство, а предметот првично се води во насока на сомнение за кривичните дела „Загадување вода за пиење“ и „Тешки дела против животната средина и природата“ согласно Кривичниот законик.

Надлежните институции засега не објавуваат официјални детали за текот на акцијата, а се очекува во текот на денот да следува официјално соопштение со повеќе информации за преземените мерки и текот на денот.

Според неофицијални информации до кои дојдовме, извештајот на Институтот за јавно здравје покажува дека од четирите испитани примероци на вода, во два се пронајдени фекални колиформни бактерии, а во еден примерок е утврдено и зголемено присуство на хлор.

Share on Facebook

Tweet

Follow us

Save