INFOMAX.MK

ДКСК оформи предмет за Игор Јанушев и уште три лица за кои се бара проверка на имот, откако Инфомакс претходно пишуваше за фирми во соседна Бугарија во кои удел во сопственоста има и сега веќе поранешниот пратеник на ВМРО-ДПМНЕ, Игор Јанушев, кој е и поранешен директор на ЈСП Скопје.

На прашање на Инфомакс од ДКСК ни одговорија дека:

– „До ДКСК од страна на Управата за финансиско разузнавање доставена е преставка на надлежно постапување која до Управата била поднесена од непознат подносител, со наводи против три лица, меѓу кои и лицето Игор Јанушев поранешен директор на ЈСП Скопје. Во пријавата се бара проверка на имотот на посочените лица за кој имот се наведува дека не го пријавиле во анкетните листови поднесени до ДКСК. Од страна на ДКСК по пријавата е оформен предмет во Одделението за следење и испитување на имотната состојба. Постапувањето по предметот е во тек.“

Инфомакс претходно објави ексклузивни документи за фирми во Бугарија во кои Јанушев има сопственички удел, а не се пријавени во неговиот анкетен лист.

Детали прочитајте на текстот во продолжение: