(Видео) Додик прогласи конечна победа на изборите во Босна и Херцеговина!

Изборниот штаб на СНСД соопшти дека врз основа на 51 отсто од преброените гласови, нивниот кандидат Милорад Додик освоил 54 отсто од гласовите, а неговата противкандидатка Јелена Тривиќ 45 отсто.

Тие изјавија дека, според тие податоци, Додик освоил 134.000 гласови, а Тривиќ 110.000 гласови.

ПДП соопшти дека нивниот кандидат Јелена Тривиќ, врз основа на 40 отсто преброени гласови во цела РС, има предност од 13.000 гласови и дека оваа предност е недостижна.

Додик прогласи победа

Лидерот на СНСД ги објави резултатите врз основа на преброени 523.326 гласачки ливчиња.

„Во овој момент дефинитивно можам да потврдам дека Жељка Цвијановиќ победи на изборите за српски член на Претседателството на БиХ, а јас победив на изборите за претседател на Република Српска“, рече Додик на прес-конференцијата.

Како што рече, освоил повеќе од 274.000, додека неговата конкурентка Јелена Тривиќ освоила 246.000.

„Овој тренд покажува дека можеме да бидеме сериозни кога велиме дека кандидатот на СНСД, тоа сум јас, победив на овие претседателски избори. Благодарам на сите што гласаа за мене и на оние што не гласаа за мене“, рече Додик.

Претходно на Фејсбук противкандидатката на Додик, Јелена Твириќ исто така прогласи победа на изборите. Засега останува нејасно кој е официјален победник, се чекаат резултатите на Централната изборна комисија.

Share on Facebook

Tweet

Follow us

Save