INFOMAX.MK

За време на посетата на британскиот министер за надворешни работи, Џејмс Клеверли, на Израел, поради воздушен напад се вклучи сирената за предупредување, по што министерот мораше да најде засолниште.

Видеото од моментот го објави израелското МНР.

„Денес видов поглед на она што го доживуваат милиони секој ден. Заканата од ракетите на Хамас стои над секој Израелец, жена и дете“, рече Клеверли во објавата на социјалните мрежи.

„Ова е причината зошто стоиме рамо до рамо со Израел“.

Портпаролот на британското Министерство за надворешни работи рече дека Клеверли се сретнал со преживеаните од нападите и со високи израелски лидери за да ја укаже поддршката на Британија за правото на Израел да се брани. Тие разговараа за Обединетото Кралство и за тековната безбедносна, воена и дипломатска соработка на Израел.

Министерот ги посети Тел Авив, Ерусалим и јужен Израел, соопшти Форин Офисот.

Велика Британија, заедно со нејзините западни сојузници, изрази цврста поддршка за Израел и ги осуди нападите на Хамас.

Претходно Би-Би-Си објави дека 17 британски државјани, меѓу кои и деца, се мртви или исчезнати во Израел.