INFOMAX.MK

Новак Ѓоковиќ, најдобриот тенисер на светот, го одработи вториот тренинг на арената „Род Лејвер“, но сепак е загрижен за потенцијалната депортација што може да му ја наложи министерот за имиграција Алекс Хок.

Медиумите во Австралија објавија дека Ѓоковиќ во вторникот околу 15 часот бил на теренот на арената „Род Лејвер“, но и дека (тренингот) бил затворен за јавноста, а претставниците на „седмата сила“ немале можност да го видат.

JUST IN: Novak Djokovic hitting on Rod Laver Arena #AusOpen @wwos @9NewsAUS pic.twitter.com/dglLUnjfmE

— Clint Stanaway (@cstanaway) January 11, 2022

Ден откако го победи Федералниот суд, Ѓоковиќ ги продолжи подготовките за Австралија опен, без се уште да ја знае конечната одлука на австралиските власти.

Единствениот кој сè уште може да го спречи Ѓоковиќ да игра во Австралија е министерот за имиграција, Алекс Хок, кој има дискреционо право да ја укине визата за најдобриот играч на светот.

Последните информации од Австралија покажуваат дека министерот Хок се уште ја разгледува целата ситуација. Како што сега стојат работите, тој денеска нема да донесе никаква одлука, па сагата продолжува.

Djokovic saga set to extend into Wednesday with Immigration Minister Alex Hawke unlikely to make decision to deport on Tuesday

“In line with due process, Minister Hawke will thoroughly consider the matter," spokesman says#AO2022 starts Mondayhttps://t.co/AEOZBEXXq4 @theage

— Paul Sakkal (@paulsakkal) January 11, 2022

Новинар на порталот „Ејџ“ објави дека министерот за имиграција најверојатно нема да донесе одлука во вторник и дека случајот на Новак ќе биде префрлен за во среда, што ќе биде точно една недела откако тој дошол во Австралија.

Федералниот суд во понеделникот одлучи да му ја врати визата на Ѓоковиќ бидејќи не му било дадено доволно време да докаже дека има важечко медицинско ослободување.

Веднаш потоа се појави информација дека Новак го апсат, дека ќе биде депортиран и покрај одлуката на судот, но засега нема ништо од тоа и се надеваме дека така ќе остане