(Видео) Еден од спасените Македонци на Халкидики излезе од болница: 20 часа бев во вода

Еден од спасените Македонци на Халкидики, Иван денеска излезе од болницата Папаниколау во Солун, каде што беше хоспитализиран од неделата попладне.

Тој во изјава за грчките медиуми информира дека 20 часа бил во вода, додека не бил лоциран од хеликоптер на военото воздухопловство во морската област околу 15 наутички милји западно од Посиди.

-Сакам да се заблагодарам на сите што учествуваа во моето спасување и посебна благодарност до хеликоптерскиот тим и екипажот на чамците што ме собра. Беше страшно, не бев 18 часа, туку 20 часа во вода, изјави кратко Иван за грчките медиуми.

Веќе четврти ден се трага по третиот Македонец. Во акцијата која почна во зори, учествуваат три пловни објекти и четири патролни возила на крајбрежната стража, како и групи волонтери, а во текот на денот се очекува авион да го прелета подрачјето.

Спасувачката акција започна во саботата во поладневните часови откако тројцата Македонци влегле во морето на плажата Мити и поради лошото време се одалечиле од брегот. Дел од присутните на плажата забележале дека капачите ги снемало и веднаш ја информирале крајбрежната служба, по што започна и акцијата.

Share on Facebook

Tweet

Follow us

Save