(Видео) Жестока реакција на Синдикатот откако советниците на Мицкоски не изгласаа субвенции за ЈСП – Немаат ни душа, ни срце, ништо немаат овие луѓе!

Претставникот на синдикатот на ЈСП, Африм Муча со жестоки критики за советниците на ВМРО-ДПМНЕ, откако не беа изгласани субвенциите за претпријатието со кои ќе се овозможеше нормална работа на истото и исплата на платите кон вработените.

-Без коментар сме. Немаат ни душа, ни срце, ништо немаат овие луѓе. Бараат гласови, плати не даваат. Срам да им е, вели Муча.

Со 22 гласа „за“, ниту еден глас „против“ и 11 „воздржани“, денеска на вонредната седница на Град Скопје не беше изгласана одлуката за субвенционирање на ЈСП со 11 милиони евра.

За да се изгласа одлуката недостигаше само еден глас, бидејќи за да биде изгласана одлуката потребни се 23 гласа.

– Одлуката за давање субвенции не е донесена. Со тоа дневниот ред на седницата е исцрпен – кажа претседателот на Советот на Град Скопје, Трајко Славески.

Ова значи дека ќе продолжи протестот на вработените во ЈСП Скопје и автобусите нема да излезат од гаражите на претпријатието.

Ваквата одлука предизивка бурни реакции кај вработените во ЈСП и кај членови на синдикатите.

По завршувањето на седницата настана расправија во собраниската сала кога Африм Муча, претставник на еден од синдикатите, ги замоли советниците да му кажат со што да ги нахрани своите деца.

Share on Facebook

Tweet

Follow us

Save