(Видео) Започна реконструкцијата на “Бутелска”: Арсовска најави реконструкција и на улицата “Радишанска”

Градоначалничката на Град Скопје, Данела Арсовска, најави почеток на реконструкција на улицата “Бутелска”, но и уште една реконструкција на улицата “Радишанска”.

– Денеска сме тука да ја најавиме конечно отпочнувањето на реконструкцијата на лицата “Бутелска” односно оној дел кој се простира од “Александар Урдаревски” до обиколницата. Овој е дел на улицата кој не е реконструиран скоро 15 години и беше дел од барањата на 24.000 граѓани кои секојдневно гравитираат тука.

Она коешто го работиме во изминатиот период е сериозни градежни инвестиции во реконструкција на патиштата во Бутел но и нови зелени површини како Бутел би добил нов лик по скоро 20 години негрижа за општината.

Она коешто сакам да го истакнам е дека по реконструкција на улицата “Скоевска” орпочнуваме тука во овој дел на улицата “Бутелска”, а најавуваме дека наскоро ќе има рекострукција на улицата “Радишанска”.

Она што ме радува е дека ќе се реконструираат над 7500 метри квадратни на асвалтна површина и ќе се обезбеди безбедност и сигурност на граѓаните кои транзитираат тука, а досега им била загрозена безбедноста, истакна градоначалничката Арсовска.

Градоначалникот на Бутел, се заблагодари за помошта и поддршката од Град Скопје и како што рече тој, очекува ова да бидат најдобрите 4 години за Бутел досега.

Градоначалничката Арсовска изјави дека реконструкцијата на “Бутелска” ќе чини околу 14 милиони денари, што е со заштеда на Град Скопје од над 40% од иницијално предвидената вредност на проектот.

ЛИНК од видеото

Share on Facebook

Tweet

Follow us

Save