INFOMAX.MK

Соединетите држави ќе отворат штаб за специјални операции во Албанија врз ротациона основа, соопшти американската команда за специјални операции за Европа SOCEUR. Командата, со седиште во Штутгарт, Германија, наведе дека базата во Албанија ќе обезбеди зголемена координација со Албанија која има важен пристап до транспортните центри на Балканот и поголема логистичка флексибилност. „Способноста за брзо движење и обука на Балканот, во тесна координација со другите сојузнички и партнерски сили, ја направи Албанија најдобра локација за овој напор“, рече генерал-мајор Дејвид Табор, командант на SOCEUR.

Специјалните сили на САД се елитни единици често распоредени за антитерористички операции, тајни операции и извидувачки операции. SOCEUR соопшти дека неговата улога е „да се спротивстави на малигните влијанија, да изгради интероперабилност, брзо да одговори на новите закани и доколку е потребно, да ја совлада агресијата“. Соединетите Држави веќе имаат 600 војници со седиште во Косово, кое прогласи независност од Србија во 2008 година по конфликтот меѓу етничките албански сепаратисти и српските сили во периодот 1998-99 година. Војната заврши по 78-дневната воздушна кампања на НАТО.