INFOMAX.MK

Министерката за заштита на животната средина на Србија, Ирена Вујовиќ, наиде на бројни критики за начинот на кој одговараше на новинарски прашања по катастрофата со амонијак во Пирот.

Веста дека во околината на Пирот се превртеле цистерни, од кои истекле 20 тони амонијак, што резултирало со двајца смртни случаи и над 50 хоспитализирани, ја вознемири јавноста во Србија и целиот регион.

Сепак, министерката смета дека нема потреба да знае ништо за еколошката катастрофа во Пирот и дека не треба да знае кој е одговорен за таа катастрофа, а како што пренесуваат српските медиуми ѝ е тешко да одговори на прашања кои се во нејзина надлежност.

Министерката Вујовиќ вчера присуствуваше на седницата на Штабот за вонредни состојби.

По тој повод, Вујовиќ на прес-конференцијата одговараше на прашања, а кога еден од присутните новинари постави прашања за самата несреќа, и како се случила, Вујовиќ покажа дека е подготвена на се, освен да одговара на прашања кои се во нејзина надлежност.